ផ្សារទំនើប ជីបម៉ុង

អំពី ជីប ម៉ុង រីថែល (CHIP MONG RETAIL)

ជីប ម៉ុង រីថែល គឺជាអង្គភាពអាជីវកម្មថ្មីមួយរបស់ក្រុមហ៊ុន ជីប ម៉ុង ដែលកំពុងបង្កើតទីតាំងខ្លួនឯងនៅជួរមុខគេក្នុងទីផ្សារលក់រាយនៅកម្ពុជា។ វិសាលភាពការងាររបស់ ជីប ម៉ុង រីថែល រួមមាន មជ្ឈមណ្ឌលពាណិជ្ជកម្មខ្នាតយក្ស មជ្ឈមណ្ឌលទិញទំនិញ ផ្សារទំនើបសហគមន៍ ហាងទំនិញលក់ទំនិញប្រើប្រាស់ប្រចាំថ្ងៃ ហាងទំនិញរហ័សទាន់ចិត្ត និងទម្រង់លក់រាយទំនើបៗផ្សេងទៀត ដែលបម្រើដល់តម្រូវការរបស់ប្រជាជនកម្ពុជា ព្រមទាំងចូលរួមចំណែកយ៉ាងសកម្មក្នុងការគាំទ្រដល់ការអភិវឌ្ឍសេដ្ឋកិច្ចដ៏រឹងមាំរបស់ប្រទេសជាតិ។

ដើម្បីគេចចេញពីកម្ដៅដ៏ក្ដៅហៅក្នុងទីក្រុង អ្នកអាចចូលមកសម្រាកកម្សាន្តនៅតាមផ្សារទំនើប ជីប ម៉ុង នានាជុំវិញរាជធានីភ្នំពេញ ដែលនៅទីនោះអ្នកអាចស្វែងរកទំនិញម៉ាកល្បីៗកម្រិតខ្ពស់ ហើយទន្ទឹមនឹងនោះដែរ អ្នកក៏អាចចូលទស្សនាភាពយន្តនៅរោងភាពយន្តនៅជាន់ខាងលើបំផុត រួចបន្តទៅលេងហ្គេមកម្សាន្តដ៏រីករាយដើម្បីបញ្ចប់ថ្ងៃដ៏វិសេសវិសាលរបស់អ្នកផងដែរ។